कार्यालयाचे नाव - प्रादेशिक सहआयुक्त पशुसंवर्धन अमरावती विभाग अमरावती

पत्ता - प्रादेशिक सहआयुक्त पशुसंवर्धन अमरावती विभाग अमरावती तहसिल कार्यालय अमरावती जवळ, जोग चौक अमरावती पिन कोड ४४४६०१

कार्यालय प्रमुख - डॉ.एस.जे.आगलावे, प्रादेशिक सहआयुक्त पशुसंवर्धन अमरावती विभाग अमरावती

शाखा प्रमुख - १. सहाय्यक आयुक्त पशुसंवर्धन

२. प्रशासकीय अधिकारी

कार्यक्षेत्र - अमरावती विभागातील अमरावती, अकोला, वाशिम, बुलढाणा आणि यवतमाळ (एकुण ५ जिल्हे)

दुरध्वनी क्रमांक - ०७२१-२६७३३२५,०७२१-०७२१-२५६०५६७

फॅक्स क्रमांक - ०७२१-२६७३३२५

ई-मेल - rjcahamt@rediffmail.com

कार्यालयीन वेळ - सकाळी १०.०० ते ५.४५ पर्यंत

साप्ताहीक सुटी - रविवार आणि प्रत्येक महिन्याचा दुसरा व चौथा शनिवार तसेच शासकीय राजपत्रात प्रसिध्द केलेल्या सर्व कार्यालयीन सुट्या

(एक) रचना, कार्ये व कर्तव्ये यांचा तपशिल

प्रादेशिक सहआयुक्त पशुसंवर्धन अमरावती विभाग अमरावती या कार्यालयाची स्थापना दिनांक ०१ मे १९८४ ला झालेली

आहे. या कार्यालयामार्फत विभागाअंतर्गत अमरावती/अकोला/वाशिम/बुलढाणा व यवतमाळ या पाच जिल्हयांमधील

पशुसंवर्धन विषयक सर्व बाबींवर प्रशासकीय व तांत्रिक सनियंत्रण करण्यात येते. या कार्यालयाची रचना खालील प्रमाणे

आहे.

रचना-

प्रादेशिक सहआयुक्त पशुसंवर्धन अमरावती विभाग अमरावती या कार्यालयाचे कामकाज दोन शाखाप्रमुखांमार्फत चालते.

तांत्रिक व नियोजन विभाग

या विभागाचे प्रमुख सहाय्यक आयुक्त पशुसंवर्धन (नियोजन) हे असुन त्यांचे अधिपत्याखाली खालील प्रमाणे तीन शाखा आहेत या शाखेमार्फत शासनाकडुन/खात्याकडुन प्राप्त झालेली दैनंदिन पत्रव्यवहार पाहुन तांत्रिक, नियोजन, सांख्यिकी व वैरण शाखेसंबधी पत्रव्यवहार योग्य ती कार्यवाही करणे. जनमाहीती अधिकारी म्हणुन कार्य पार पाडणे. विभागात राबविण्यात येणा-या विविधयोजना-सर्वसाधारण, विशेष घटक, आदिवासीउपयोजना, ओ.टी.एस.पी, अनुशेष, अँस्कॅड योजना ईत्यादी योजनांचे सनियंत्रण ठेवणे. जिल्हयातील संस्थांकडुन प्राप्त झालेले औषधी/हत्यारे खरेदी व इतर आलेल्या प्रस्तावांची छाननी करुन वरीष्ठांकडे मंजुरीकरिता सादर करणे. विभागातील तांत्रिक कार्याचे मासिक/त्रैमासिक अहवाल खात्यास विहीत कालावधीत सादर करणेसाठी सनियंत्रण ठेवणे. विभागाचे कार्यक्रम अंदाजपत्रक तसेच योजनांतर्गत योजनांचे ४/८/१० माही अंदाजपत्रके तयार करुन खात्यास सादर करणे. अस्थाई पदांचे प्रस्तावांची छाननी करुन खात्यास सादर करणे. तांत्रिक, नियोजन, सांख्यिकी व वैरण शाखेच्या अहवालांची तपासणी व छाननी करणे. स्वेच्छा निधीमधुन प्राप्त झालेल्या प्रस्तावांची छाननी करुन खात्यास सादर करणे. राष्ट्रीय कृषि विकास योजने अंतर्गत पशुवैद्यकीय संस्थांचे बांधकामे/हत्यारे ईत्यादींचे प्रस्ताव संकलित करुन खात्यास सादर करणे. राष्ट्रीय कृषि विकास योजने अंतर्गत मध्यवर्ती अंडी उबवणी केंद्राचे अंदाजपत्रकाची पडताळणी करुन खात्यास सादर करणे. इत्यादी कामे केली जातात.

तांत्रिक शाखा

नियोजन शाखा

सांख्यिकी व वैरण शाखा

सदर शाखेत मंजुर पदांचा तपशील खालीलप्रमाणे

सहाय्यक आयुक्त पशुसंवर्धन (नियोजन)-१ पद

पशुधन विकास अधिकारी (तांत्रिक)-१ पद

वैरण विकास अधिकारी- १ पद

सहाय्यक पशुधन विकास अधिकारी (तांत्रिक-१)-१ पद

पशुधन पर्यवेक्षक (नियोजन)-१ पद

पशुधन पर्यवेक्षक (सांख्यिकी)-१ पद

क्रमांक २ प्रशासकीय विभाग

या विभागाचे प्रमुख प्रशासकीय अधिकारी हे असुन त्यांचे अधिपत्याखाली खालीलप्रमाणे सात शाखा आहेत. या शाखेमार्फत प्रशासनिक संपुर्ण कामकाजावर देखरेख ठेवणे. प्राप्त झालेले टपाल उघडुन वर्गीकरण करणे व ते वरिष्ठांकडे अवलोकनार्थ सादर करणे. कर्मचा-याच्या उपस्थितीबाबत, लक्ष ठेवण्याची जबाबदारी पार पाडणे. जिल्हा परिषदेच्या पशुसंवर्धन विभागाचे निर्धारणाचे कामकाज पार पाडणे, प्रशासकीय तपासणी, टेबल तपासणी करुन अहवाल तयार करणे व त्यासबंधीचा पत्रव्यवहार करणे. कर्मचा-याच्या कामकाजावर देखरेख ठेवुन त्यांच्याकडुन सादर होणा-या नस्तीवर प्रकरण तपासुन व अभिप्राय नोंदवुन वरिष्ठाकडे सादर करणे. कार्यालयातील प्रलंबित प्रकरणी खास मोहीम/धडक मोहीम हाती घेऊन कामाचा निपटारा अधिनस्त कर्मचा-याकडुन करुन घेणे. हजेरीपत्रावर उपस्थितीबाबत देखरेख ठेवणे. ले,।।-१,२,३ आस्था, सामान्य, आवकजावक शाखेच्या नस्त्या वरिष्ठाना सादर करुन, राजीन गांधी प्रशासकीय गतीमानता योजना बाबत पत्रव्यवहार करणे. खात्याने ठरवुन दिलेल्या जाबचार्ट प्रमाणे कर्तव्य व जबाबदा-या पार पाडणे इत्यादी कामे केली जातात.

प्रशासन-२ शाखा

गोपनीय शाखा

लेखा-१ शाखा

लेखा-२ शाखा

आस्थापना शाखा

सामान्य शाखा

आवक-जावक शाखा

सदर शाखेत मंजुर पदांचा तपशील खालीलप्रमाणे

प्रशासकीय अधिकारी-१ पद

अधिक्षक-१ पद

लघुलेखक (उच्चश्रेणी)-१ पद

वरीष्ठ सहाय्यक-२ पद

वरीष्ठ लिपिक-१ पद

कनिष्ठ लिपिक-२ पद

कार्य व कर्तव्ये - मरावती विभाग अंतर्गत खात्याच्या पशुसंवर्धन विषयक विविध योजना राबविणे करिता नियंत्रण ठेवणे व अधिनस्त जिल्हया अंतर्गत राज्यस्तर/स्थानिकस्तर पशुवैद्यकीय संस्थांचे अधिकारी/कर्मचारी यांचे तांत्रिक व प्रशासकीय कामकाजावर नियंत्रण ठेवणे. शासकीय योजनांचा/पशुवैद्यकीय सेवेचा लाभ विभागा अंतर्गत राज्यस्तर/स्थानिकस्तर पशुवैद्यकीय संस्थांव्दारे सर्वसामान्य जनतेपर्यंत पोहचविणे व शासनाच्या मार्गदर्शक सुचनांनुसार कार्यवाही करणे.

अमरावती विभागात कार्यरत असलेल्या पशुसंवर्धन खात्याच्या संस्था

वरील पशुवैद्यकीय संस्थांमार्फत आजारी पशुधनाला औषधोपचार, बेरड वळुंचे खच्चीकरण, विविध रोग प्रतिबंधक लसीकरण, कृत्रिम रेतनाव्दारे संकरित गोपैदास कार्यक्रम ईत्यादी सेवा पुरविण्यात येतात. तसेच कुक्कुटपालन, शेळीपालन व दुग्धव्यवसाय यासारखे शेतीपुरक व्यवसाय तांत्रिकदृष्टया करण्याकरिता सुशिक्षित बेरोजगारांना प्रशिक्षण देण्यात येते. त्याचप्रमाणे विविध योजनेअंतर्गत तलंगा गट वाटप, शेळी गटवाटप, सुधारीत जातीच्या संकरित कालवडीची व म्हशीच्या पारड्यांची जोपासना करण्यात येते. वैरण विकास योजनेअंतर्गत सुधारीत चा-याची पिके घेण्याकरिता बियाणे व रोपे अनुदानावर वाटप करण्यात येते.

(दोन) अधिकारी/ कर्मचारी यांचे अधिकार व कर्तव्य

प्रादेशिक पशुसंवर्धन सहआयुक्त अमरावती विभाग अमरावती यांचे अधिकार व कर्तव्य-

प्रादेशिक पशुसंवर्धन सहआयुक्त हे पद विभागाचे विभाग प्रमुख म्हणुन घोषित असुन विभागाअंतर्गत येणा-या अमरावती, अकोला, वाशिम, यवतमाळ, बुलढाणा या पाच जिल्हयांसाठी खात्यांसंबधीचे कामकाजाबाबत प्रशासकीय आर्थिक व तांत्रिक बाबीवर नियंत्रण ठेवण्याचे अधिकार या पदास आहेत.

विभागाच्या योजना संबधी तांत्रिक व वित्तीय मंजुरी देणे.

विभागातील सर्व संस्थाना भेटी देवुन तांत्रिक व प्रशासकीय निरिक्षण करणे व मार्गदर्शन करणे.

जिल्हा वार्षिक योजनेअंतर्गत जिल्हास्तरावर जिल्हा नियोजन समितीकडे प्रस्तावित करण्यात आलेल्या विविध योजनांचे संनियंत्रण ठेवुन तांत्रिक मंजुरी देणे.

विभागातील जनावरांचे स्वास्थ उपचार कार्य नियंत्रण व अमंलबजावणी करणे.

विभागातील औषधी व अवजारे ईत्यादीना तांत्रिक मंजुरी प्रदान करणे.

पशुसंवर्धन विषयक विविध योजनांना तांत्रिक मान्यता प्रदान करणे.

विभागात उच्च प्रतिच्या जास्त दुध उत्पादन देणारे गाईची कृत्रिम रेतनाव्दारे निर्मिती करुन सनियंत्रण करणे.

विभागातील संसर्गजन्य आजार व लसीकरण कार्य सनियंत्रित करुन अमलबजावणी करणे.

विभागातील सर्व जिल्हयामधील सर्व संस्थाना भेटी देऊन तांत्रित कामाची अमलबजावणी करणे.

दर पाच वर्षानी पशुगणनाबाबत आवश्यक आखणी करुन पशुसंवर्धन विषयक योजना राबविणे.

विभागातील पशुपैदास पक्षेत्र, शेळी, मेंढी फार्म व कुक्कुट प्रकल्पांना मार्गदर्शन करणे.

विभागातील सर्व जिल्हयांच्या मागणीनुसार चारा उत्पादनासाठी वैरण बियाण्याची उत्पादकता पशुपालकामध्ये जागृतीचे नियोजन करणे.

विभागातंर्गत जिल्हा पशुसंवर्धन उपआयुक्त, सहायक आयुक्त पशुसंवर्धन, पशुधन विकास अधिकारी (राज्यस्तर) यांच्या रजा मंजुर करणे.

विभागातंर्गत शासनाच्या धोरणाप्रमाणे वर्ग-४ पदावरील कर्मचा-यांना नियुक्ती देणे.

विभागातील अधिकारी/कर्मचारी यांचेवर प्रशासकीय नियंत्रण ठेवणे.

विभागाअंतर्गत जिल्हा पशुसंवर्धन उपआयुक्त यांचे अधिनस्त राज्यस्तरीय संस्था तसेच जिल्हा परिषदेतील संस्था व जिल्हा परिषदांना वर्ग करण्यात आलेल्या राज्यस्तरीय संस्थांची १० टक्के पडताळणी करणे व यासाठी महिन्यातुव १० दिवस दौरा करणे आवश्यक आहे.

खात्याअंतर्गत संस्थांवा नियमित ३ व अचानक ५ भेटी देणे.

जिल्हा परिषद संस्थांना नियमित ३ व अचानक २ भेटी देणे.

१२ प्रशासकीय तपासणी करणे.

रोख रक्कमेची पडताळणी करणे.

पंचायत समितींना १५ भेटी देणे.

ग्रामपंचायतींना १० भेटी

विविध योजनेअंतर्गत वाटप केलेल्या दुधाळ जनावरांची/शेळी गटांची १० टक्के पडताळणी करणे.

पशुवैद्यकीय संस्थांना दिलेले तांत्रिक कार्याचे उदिष्टे व साध्य याबाबत आढावा घेणे व दिलेले उदिष्टे १०० टक्के पुर्ण होण्याच्या दृष्टीने तांत्रिक मार्गदर्शन करणे.

खात्याचे लेखा परिक्षण/महालेखापाल यांचे लेखापरिक्षण मुद्यांच्या अनुपालनावर प्रादेशिक स्तरावरचे अभिप्राय देणे तसेच लेखा आक्षेप निकाली काढण्याचे दृष्टीकोनातून विभागीय स्मरावरील सभेत आढावा घेणे.

सेवा विषयक बाबी, प्रलंबित सेवानिवृत्ती प्रकरणे, न्यायालयीन प्रकरणे ईत्यादीचा निपटारा करणे.

शासनाचामार्फत/पशुसंवर्धन खात्यामार्फत विविध योजनांचा प्राप्त झालेला निधी कॅशफ्लोनुसार खर्च करणे बाबत अधिनस्त कार्यालय प्रमुखांना व अंमलबजावणी अधिका-यांना वेळोवेळी मार्गदर्शन करणे व खर्चाचा आढावा घेणे.

(पाच) कर्मचा-याकडे असलेले किंवा त्यांचे नियंत्रणात असलेले किंवा त्यांचे कार्य पार पाडणेसाठी त्यांच्या कर्मचारी वर्गाकडुन वापरण्यात येणारे नियम विनियम सुचना, नियम पुस्तिका आणि अभिलेख –

या विभागातील राज्यस्तरीय व जिल्हा परिषद संस्थेत कार्यरत असलेले अधिकारी/कर्मचारी खालील नियम पुस्तिकेचा आधार घेऊन शासकीय कामकाज पार पाडण्याची कार्यवाही करतात.

1. म.ना.से. रजा नियम १९८१

2. म.ना.से. वेतन नियम १९८१

3. म.ना.से. सेवेच्या सर्वसाधारण शर्ती १९८१

4. म.ना.से. निवृत्ती वेतन १९८१

5. म.ना.से. प्रवास भत्ता नियम १९८१

6. महाराष्ट्र सर्वसाधारण भनिनि १९६६

7. आकस्मिक खर्चाचे नियम १९६५

8. महाराष्ट्र जिल्हा परिषदसेवा प्रवेश नियम १९६७

9. शिस्त व अपील नियम १९६४

10. पंचायत समिती अधिनियम १९६१

11. महाराष्ट्र वित्तीय नियम १५/०५/२००९

(सहा) कर्मचारी/अधिकारी यांचेकडे असलेल्या किंवा त्यांचे नियंत्रणाखाली असलेल्या दस्तऐवजांच्या वर्गाचे विवरण -

कार्यालयीन कामकाजात खालीलप्रमाणे सहा गठ्ठे पध्दतीचा वापर करण्यात येतो.

कार्यविवरण पंजी/प्रलंबित पत्रे

प्रतिशाधीन प्रकरणे

स्थायी आदेश नस्ती

नियतकालीके अ व ब

अभिलेख कक्षात पाठवयाच्या नस्त्या

ड वर्गीय कागदपत्रे

1. कार्यविवरण पंजी/प्रलंबित पत्रे – प्रत्येक शाखा प्रमुखाकडुन प्रपत्र-६ मध्ये कार्यविवरण नोंदवही ठेवणे आवश्यक असुन या नोंदवहीत दैनदीन टपालाची नोंद घेऊन प्रकरणाचा निपटारा इ. झाल्यानंतर कार्यविवरण नोंदवहीत पत्राचा अनुक्रमांक गोल करुन प्रकरणे निकाली काढुन ते जावक शाखेत पाठवुन स्तंभ चारमध्ये ते निकाली काएल्याची नोंद घेऊन कार्यविरण नोकंदवही दर आठवडयाचा गोषवारा कडुन प्रभारी अधिकारी यांचेसमोर ठेवावा.

2. प्रतिक्षाधीन प्रकरणे – या नोकंदवहीमध्ये वरिष्ठ कार्यालयाकडुन माहीती प्रलंबित आहेत व प्रकरण निकाली निघु शकत नाही अशी प्रकरणे प्रतिक्षाधीन नोंदवही नोंदविण्यात यावी.

3. स्थायी आदेश नस्ती – या नोंदवहीत शासनाचे/खात्याचे शासन निर्णय परिपत्रक कायमस्वरुपी जतन करुन ठेवले जातात व याचा उपयोग वेळोवेळी कार्यालयीन कामकाजात घेतला जातो. ही नस्ती विषयावर ठेवुन त्यास अनुक्रमाणिका देलेली असावी.

4. नियतकालीके अ व ब – या नोंदवहीच्या भाग अ मध्ये मासीक, त्रेमासीक, सहामाही, वार्षिक पंधरवाडी अहवाल ज्या पत्रान्वये विहीत करण्यात आले आहे व ज्या कार्यालयास असा अहवाल विहीत केलेल्या दिनांकास सादर करावयाचा आहे त्यांचे पत्र क्रमांक व दिनांकासह नोंद घेण्यात येते व भाग ब मध्ये ज्या दिनांकास असा अहवाल प्रत्यक्षात सादर करण्यात अबाला त्यबाबतची नोंद ठेवण्यात येते.

5. अभिलेख कक्षात पाठवावयाच्या नस्त्या – ज्या प्रकरणाची कार्यवाही पुर्ण झाली आहे अशी प्रकरणे अबभिलेख कक्षात पाठविण्यापुर्वी या अभिलेख्याचे अ,ब,क,ड असे वर्गीकरण करुन नसत्या/प्रकरणे अभिलेख कक्षात पाठविण्यात येतात. अभिलेख कक्षाचे वर्गीकरण खालीलप्रमाणे आहे.

1. ड वर्गीय कागदपत्रे – जी पत्रे केवळ माहीतीसाठी प्राप्त होतात किंवा ज्या पत्रावरील कार्यवाही पुर्ण झालेली आहे व ज्या कागदपत्रांना एक वर्षावरील कालावधीसाठी राखुन ठेवण्याची आवश्यकता नाही अशी कागदपत्रे जसे मासीक अहवाल, किरकोळ रजा ईत्यादी ड वर्गीय कागदपत्रे म्हणुन एक वर्षाच्या कालावधीसाठी राखुन ठेवण्यात येतात व एक वर्षानंतर सक्षम अधिका-याची मंजुरी घेऊन नष्ट केली जातात.

(सात) धोरण तयार करण्याच्या किंवा त्याची अंमलबजावणी करण्याच्या संबधात लोकांशी विचार विनिमय करण्यासाठी किंवा लोकांकडुन निवेदने केली जाण्यासाठी अस्तित्वात असलेल्या व्यवस्थेचा तपशिल –

पशुसंवर्धन खात्याच्या विविध योजना राबविण्याचे धोरण खातेस्तरावर किंवा शासन स्तरावर ठरविले जाते. विभागाअंतर्गत सर्व पशुवैद्यकीय संस्थांच्या दर्शनिय भागावर ग्रामस्थांची सनद अंतर्गत संबधित संस्थेची संपुर्ण माहीती प्रदर्शित केली आहे. प्रत्येक स्थानिक स्तरीय संस्थेत पशुसुधार समितीची स्थापना करण्यात येते. खात्याच्या विविध योजना व खात्यामार्फत राबविण्यात येत असलेले सर्व तांत्रिक कामे यांची माहीती तालुकास्तरावर पशुधन विकास अधिकारी विस्तार यांचेमार्फत सर्वसामान्य जनतेला पुरविण्यात येते. जिल्हास्तरावर ह्याबाबत जिल्हा पशुसंवर्धन अधिकारी व जिल्हा पशुसंवर्धन उपआयुक्त गोपालकांना मार्गदर्शन करुन त्यांच्या अडीअडचणी सोडविण्याकरीता मदत करतात. पशुसंवर्धन खात्याकडुन देण्यात येत असलेल्या सेवांबाबत काही अडचणी/तक्रारी असल्यास त्या नोंदविण्याकरीता प्रत्येक पशुवैद्यकीय श्रेणी-१/ श्रेणी-२ दवाखान्यामध्ये तक्रार पुस्तिका ठेवण्यात येते.

(आठ) कार्यालयाच्या अधिकारी/कर्मचा-याचा एक भाग म्हणुन किंवा सल्ला देण्याच्या प्रयोजनासाठी म्हणुन घटीत केलेल्या दोन किंवा अधिक व्यक्तीच्या मिळुन बनलेल्या मंडळाचे, परिषदाचे, समित्याचे, आणि अन्य निकायांचे विवरण, आणि त्या मंडळाच्या परिषदांच्या, समित्या आणि अन्य निकायांच्या बैठकी लोकासाठी खुल्या आहेत किंवा कसे किंवा अशा बैठकीचे कार्यवृत्ते जनतेला पाहावयास मिळण्याजोगी आहे किंवा कसे याबाबतचे विवरण –

या विभागाचे कामाकाजाबाबत ही बाब लागु नसल्यामुळे माहीती निंरक आहे.

(नऊ) अधिका-यांची/कर्मचा-याची निर्देशिका –

वर्ग-१ व वर्ग-२ चे अधिका-यांची नियुक्ती राज्यशासनाद्वारे केली जाते. व या संवर्गाची जेष्ठता सुची शासनस्तरावरुन खात्यामार्फत प्रसिध्द केली जाते. वर्ग-३ ची नियुक्ती खातेस्तरावरुन होत असुन त्यांच सेवाजेष्ठता सुचित आयुक्त पशुसंवर्धन स्तरावरुन प्रसिध्द करण्यात येते. वर्ग-४ कर्मचा-याची नियुक्ती शासन नियमाप्रमाणे या स्तरावर करण्यात येऊन त्यांची सुची या स्तरावरुन प्रसिध्द करण्यात येते.

(दहा) विभागीय कार्यालयातील प्रत्येक अधिका-याला व कर्मचा-याला मिळणारे मासीक वेतन, तसेच प्राधीकरणाच्या विनिनियमामध्ये तरतुद केल्याप्रमाणे नुकसान भरपाई देण्याच्या पध्दची –

(तीन) निर्णय घेण्याच्या प्रक्रीयेत अनुसरण्यात येणारी कार्यपध्दती तसेच पर्यवेषण आणि उत्तरदायीत्व -

या विभागातंर्गत अकोला, अमरावती, वाशिम, यवतमाळ, बुलढाणा या पाच जिल्हयात तांत्रिक व प्रशासकीय कामावर देखरेख, नियंत्रण ठेवण्यात येऊन आर्थिक बाबतीत तांत्रिक व प्रशासकीय मंजुरी देण्यात येते, विभागातील जनतेकडुन तसेच अधिकारी/कर्मचारी यांचेकडुन प्राप्त होणा-या तक्रारीवर मार्गदर्शन देऊन प्रकरणे निकाली काढण्यात येतात.

(चार) कार्ये पार पाडण्यासाठी ठरविण्यात आलेली मानके -